મારા વિષે થોડું..

“જીવન પિયુનીએ એવું જીવ્યું”

જીવન મેં કંઈ એવું જીવ્યું ,
એક અનોખું સ્વપ્નું સેવ્યું ,
પ્રેમનું ઝરણું બની વહ્યું ,
લાગણીઓની લહેરખીએ ચઢી,
ઇન્દ્રધનુષને આંબવાને ચાહ્યું .
ખુદને ઓગાળીને રહેવાને ચાહ્યું ,
પ્રિયજનોમાં એકરસ થવાને ચાહ્યું .
આદર્શોને દિલમાં આરુઢી ,
આદ્રતાથી આરાધવાને ચાહ્યું .
સ્વજનોના હ્રદય મહીં,
મોગરો બનીને મહેકવાને ચાહ્યું .
પિયુને આધીન રહીને ,
આભલું મેં તો આંબવાને ચાહ્યું .
અભિલાષાઓ અનાવિલ મનમાં ધરીને ,
પ્રેમ અમૃત મેં તો ચાખવાને ચાહ્યું .
પ્રાર્થુ હમેંશા હું તો પ્રભુને,
ન તૂટે આ સુખ સ્વપ્ન ,
ન છુટે આ મીઠી તંદ્રા ,
લાગે કદીના જરૂર મુજને ‘મારી’ ,
ચાહું નવ હું અસ્તિત્વ ‘મારું’ ,
રહે પ્રસન્ન સદા અસ્તિત્વ ‘અમારું’ !
પારૂ કૃષ્ણકાંત…….. “પિયુની”