વ્હાલસોયું નિમંત્રણ ….જરૂર થી આવશો …… આપ ખુદ નેજ પામશો ……

“પિયુની નો પ્રેમ કરે પમરાટ”

સુણ્યો કાવ્યોનો કલશોર ને ,

તો ક્યાંક વળી ગુજરાતી ગઝલ ,

વેણું અને બંસરીના નાદ,

સુણી દાદાભાઈ ની દુંદુભિ,

સુણ્યા જો ચંદ્રના પુકારો ,

વળી લાગણી ની માંગણી,

જોયા તોરણ અને રંગોળી,

જોઈ જ્યાં ફૂલો ની વાડી ,

વેરાતા જે વિચારો ના મોતી.

વહેતા જે જ્ઞાન ના ઝરણાં,

ક્યાંક વળી મિત્રો નું મનોમંથન ,

તો ક્યાંક રેશનલ અભિવ્યક્તિ ,

તો ક્યાંક વળી વ્યંગ ની અસર ,

તો  સ્વપ્ન પણ પરાર્થે સમર્પણ ,

કોઈ ઉતારે હ્રદય કાગળ ઉપર,

તો વળી વિજય કરતા ચિંતન ,

થતી ઝીલમીલ જ્યાં રોશની,

દેખ્યા પરમ ને પણ સમીપે ,

ડાયરીને વળી ગુજરાતી શાયરી ,

આવ્યા અમે તો દોરાયી ને ,

તો દેખી શબ્દોની જે રોશની

અતિ આનંદે થઈ ઉત્સાહિત,

પ્રેમાળ મન થકી ને પ્રેરિત,

હ્રદયના ભાવ શબ્દો થકી અંકિત,

સજાવ્યો છે અમે પણ બ્લોગ,

નથી આપના જેવું અગાધ આભલું,

બસ નાની શુક્રતારિકા સમ તારલું,

પિયુની નો પ્રેમ કરતો ત્યાં પમરાટ,

લઇ સુગંધ ને થવા આનંદિત ,

બહેનાને કરવા ને પ્રોસ્તાહિત ,

આપ પણ જરૂર થી પધારશો ,

વચન મારું કરીશ આપને સ્નેહાંકિત .

પારૂ કૃષ્ણકાંત “પિયુની”