મલકાટ…. ફરી મમળાવિયે …..

મલકાટ….  ફરી મમળાવિયે …..

એક વાર એક નાનકડા ગામના ફરિયાદી પક્ષના વકીલે, પોતાના કેસની સાક્ષી માટે એક ૮૫ વર્ષના માજીને કોર્ટમાં તેડાવ્યા. આ ઉમરેય માજી હતા કડેધડે ને કકરા અડીખમ . તેઓને સાક્ષીના કઠેડામાં બોલાવી અને તેમને પૂછ્યું …” કેમ માડી મનેતો ઓળખો છો ને?”  માજી કહે  ” હા ભાઈ તનેતે કોણ નથી ઓળખતું ? તને આવડો નાનકો હતો, હજી ચડ્ડીએ  પહેરતા નોતું આવડતું ત્યારથી જાણું  છું , આખો દિ તારી માની વાહે વાહે ફરતો, તી અમને ઈમ કે આતો સાવ સીધો , ભગવાનનું માણહ થાહે પણ ભૈ તે તી ખરેખરા રંગ બદલ્યા …. તારા માટેતો સાચું ખોટું સંધુય એક, લોકો ને કેમ કરી ને સીસા મૈ ઉતારવા ઈ તો તારા થી હારું કોઈને નો આવડે , લોકોને મૂઢામૂઢ  મીઠી જબાન રાખશને, પછી વાહેથી વેતરી નાખશ …. હા બાપલા હા તને તો  બવ હારી રીતે જાણું છું .” કોર્ટમાં ઝીણી ઝીણી હસાહસ અને ગણગણાટ….  ભરી કોર્ટમાં માજીનાં પ્રલાપ થકી મૂઢ થઇને શું કરવુંતે ના સમજાતા, વકીલે  સામે બચાવ પક્ષના વકીલ સામું આંગળી ચીંધીને કહ્યું, એ સામા પક્ષના વકીલ સાહેબ છે, એમને …. ત્યાંતો માજી કહે ” અરે ઈ વળી શાનો સાહેબ? એ તો ઓલી શાન્તુડીની ગગીનો ગગો, એનીતો છઠ્ઠી એ જાણું છું, બાપલા. ..એ વળી બીજો કલાકાર છે … બેબે બાયડીઓ કરીને નો ધરાણો તે હવે ઓલી લતુંની ગગી ને ભોળવે છે ! ને બંને બાયડીઓને મૂરખ બનાવે છે. એક નંબરનો દારુડીયો ને દગાબાજ છે.” ……!!!!……………

વળી કોર્ટમાં ઝીણી ઝીણી હસાહસ અને ગણગણાટ શરુ થયો … બંને વકીલોતો એકદમ સ્તબ્ધ … પણ જજ સાહેબ તરતજ એકદમ સતર્ક થઈ ગયા ….. “શાંતિ શાંતિ ..” નો ઓર્ડર જારી કરી અને બંને વકીલોને પાસે બોલાવીને એકદમ ધીમા પરંતુ એકદમ કડક અવાજમાં ..”હવેજો આ માડીને મારા વિશે એકપણ શબ્દ  પૂછ્યો કે કહ્યોછે ને તો,   કેસનું તો પછી વિચારીશ, પણ તમને બંનેને ચોક્કસ જેલ ભેગા કરીશ ….!!!”

પારૂ કૃષ્ણકાંત “પિયુની”

( ક્યાંક સાંભળેલું ,જાણેલું ,વાંચેલું ,વહેચેલું યાદ રહેલું….. મારા શબ્દોમાં )

About Piyuni no pamrat ( પિયુનીનો પમરાટ )

"પિયુનીનો પમરાટ " પારૂ કૃષ્ણકાંત "પિયુની"નો ગુજરાતી બ્લોગ . ગુજરાતી કવિતા , પ્રેમકાવ્યો, બોધકાવ્યો, પ્રકૃતીકાવ્યો, પ્રેરણાત્મક વાર્તા ..કથાઓ , મીઠા સંભારણા, "અનુભાવવાણી", પ્રેમ, All about Love , Food for thought , અને બીજું ઘણું બધું...... પ્રેમનું ઝરણું બની વહેવું મુજને , સ્વજનોના હ્રદય મહીં રહેવું મુજને , મોગરો બનીને મહેકવાને ચાહું. પધારો આપનું હ્રદયથી સ્વાગત છે. પારૂ કૃષ્ણકાંત 'પિયુની'
This entry was posted in મલકાટ.... ફરી મમળાવિયે ..... and tagged , , , , , , , , , . Bookmark the permalink.

5 Responses to મલકાટ…. ફરી મમળાવિયે …..

  1. Alkesh says:

    આને જ કહેવાય “ગમતાંનો કરીએ ગુલાલ…”

    Like

  2. માજીનું ભોળપણ સ્પર્શી ગયુ. ગામઠી લહેકો ગમ્યો.
    ‘સાજ’ મેવાડા

    Like

  3. M.D.Gandhi, U.S.A. says:

    આજે “વિનોદ વિહાર” દ્વારાતમારો બ્લોગ જોયો. બહુ સુંદર છે.
    આ માજીવાળી વાત વાંચીને પહેલાં તો માત્ર થોડું હસવું આવ્યું, પણ છેલ્લી જજ સાહેબની વાત વાંચીને તો એવું ખડખડાટ હસવું આવ્યું, કે, હસવું રોકાયજ નહીં અને ઘરમાં બધા મારી સામું જોવા લાગ્યા……. વાંચતાં બહુ મજા આવી….

    Like

  4. “વિનોદ વિહાર” દ્વારા તમારો બ્લોગ આજે જોયો. બહુ સુંદર છે……
    આ માજીની વાર્તા વાંચતાં હસવું આવ્યું, પણ, છેલ્લી, જજ સાહેબવાળી વાત વાંચીને એટલું બધું હસવું આવ્યું, કે, હસવું રોકાયજ નહીં અને ઘરના બધા મારી સામું જોવા લાગ્યા….કે શું થયું…!!!.
    બહુ મજા આવી ગઈ….

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s