ઉમંગે ઉલ્લાસિત સદાય રહેતો, ઉદરે રત્નો તે ઉપજાવતો રહેતો. ઉદાર ચરિતની તે તો ઉદારતા, મન તણી તેના જોવી ઉદાત્તતા!

“ સાગર મહાત્મ્ય ”

રહ્યો ભલેને ખારો ખારો ઉસ ,
સમુદ્રતો રહેતો હરદમ ખુશ .
ન કોઈ ઉપાધી, ના કોઈ ઉભરાટ,
સમાવી સમગ્ર સૃષ્ટિની ખારાશ ,
ઉદધિ તેના ઉર માંહી ,
કદી થતો નહી નિરાશ .
ઉમંગે ઉલ્લાસિત સદાય રહેતો,
ઉદરે રત્નો તે ઉપજાવતો રહેતો.
ઉદાર ચરિતની તે તો ઉદારતા,
મન તણી તેના જોવી ઉદાત્તતા!
દેવદાનવો તણા યુદ્ધમાં દેવા દાનવોને માત,
ઉપેન્દ્રએ ચીંધ્યો ઉપાય સમુદ્ર મંથનનો.
ઉદધિએ ધરીને સહનશીલતા કરી સહાય.
ત્યાગીને ઉદ્વેગ, ઉદ્દભવી આપ્યા રત્નો ચૌદ.
રાખીને અંતરે ઉચ્ચ ઉદ્દેશ વિશ્વકલ્યાણ અર્થે,
ઉદધિએ ઉર થકી વ્હાલી ઉદધિકન્યા,
શ્રીલક્ષ્મીનું શ્રીવિષ્ણુને દીધું કન્યાદાન.
બાપ સમા તેઓ સંબંધે છતાંય,
બની આસન પથરાયા શ્રી વિષ્ણુનું!

પારૂ કૃષ્ણકાંત “પિયુની”