ગુજારે જે શિરે તારે, જગતનો નાથ તે સહેજે . ગણ્યું જે પ્યારું પ્યારાએ, અતિ પ્યારું ગણી લેજે ! દુનિયાની જૂઠી વાણી, વિષે જો દુ:ખ વાસે તો , જરાયે અંતરે આનંદ ના ઓછો થવા દેજે ,

આજે સવારથીજ કોણ જાણે કેમ પણ મોઢે આ કાવ્ય પંક્તિઓ આવીને બેસી ગઈ , વારે વારે મેં ખુદ ને આ પંક્તિ ગણગણતા જોઈ . કવિશ્રીએ કેટલી મોટી વાતો અતિ સુંદર શબ્દોમાં ઢાળી ને ખુબ સરળતાથી સમજાવી દીધી છે. મારું અતિ પ્રિય એવું આ બોધ કાવ્ય આજે મિત્રો સાથે પણ વહેંચવાની ઈચ્છા થઇ ગઈ તેથી અહી લખું છું. આપ સૌ મિત્રોનો પણ આ કાવ્ય અંગે અભિપ્રાય જરૂરથી જણાવશો.  

પારૂ કૃષ્ણકાંત “પિયુની”

ગુજારે જે શિરે તારે, જગતનો નાથ તે સહેજે .

ગણ્યું જે પ્યારું પ્યારાએ, અતિ પ્યારું ગણી લેજે !

દુનિયાની જૂઠી વાણી, વિષે જો દુ:ખ વાસે તો ,

જરાયે અંતરે આનંદ ના ઓછો થવા દેજે ,

કટુ વાણી સુણે જો કોઇની , વાણી મીઠી કહેજે !

પરાઇ મૂર્ખતા કાજે મુખે ના ઝેર તું લેજે!

કચેરી માંહીં કાજીનો , નથી હિસાબ કોડીનો .

જગત કાજી બનીને તું વહોરી ના પીડા લેજે !

જગતના કાચના યંત્રે ,ખરી વસ્તુ નહીં ભાસે.

ન સારા કે નઠારાની જરાયે સંગતે  રહેજે!

રહેજે શાંતિ સંતોષે ,સદાયે નિર્મળે ચિત્તે.

દિલે જે દુ:ખ કે આનંદ કોઇને નહીં કહેજે!

વસે છે ક્રોધ વૈરી ચિત્તમાં, તેને ત્યજી દેજે

ઘડી જાયે ભલાઈની મહાલક્ષ્મી ગણી લેજે!

રહે ઉન્મત્ત આનંદે , ખરું એ સુખ માની લેજે.

પીએ તો શ્રી પ્રભુના પ્રેમનો પ્યાલો ભરી પીજે!

અરે ! પ્રારબ્ધ તો ઘેલું ,રહે છે દૂર માંગે તો

ન માગ્યે દોડતું આવે ન વિશ્વાસે કદી રહેજે !

રહી નિર્મોહી શાંતિથી , રહે એ સુખ મોટું છે

જગત બાજીગરીનાં તું બધાં છલબલ જવા દેજે !

પ્રભુના નામનાં પુષ્પો ,પરોવી કાવ્યમાળા તું ,

પ્રભુની પ્યારી ગ્રીવામાં પહેરાવી પ્રીતે દેજે !

કવિ રાજા થયો શી છે ,પછી પીડા તને કાંઇ ?

નિજાનંદે હંમેશાં ‘બાલ‘ મસ્તીમાં મઝા લેજે !

કવિશ્રી બાલાશંકર કંથારીયા

About Piyuni no pamrat ( પિયુનીનો પમરાટ )

"પિયુનીનો પમરાટ " પારૂ કૃષ્ણકાંત "પિયુની"નો ગુજરાતી બ્લોગ . ગુજરાતી કવિતા , પ્રેમકાવ્યો, બોધકાવ્યો, પ્રકૃતીકાવ્યો, પ્રેરણાત્મક વાર્તા ..કથાઓ , મીઠા સંભારણા, "અનુભાવવાણી", પ્રેમ, All about Love , Food for thought , અને બીજું ઘણું બધું...... પ્રેમનું ઝરણું બની વહેવું મુજને , સ્વજનોના હ્રદય મહીં રહેવું મુજને , મોગરો બનીને મહેકવાને ચાહું. પધારો આપનું હ્રદયથી સ્વાગત છે. પારૂ કૃષ્ણકાંત 'પિયુની'
This entry was posted in Food for thought and tagged , , , , , , , , , , . Bookmark the permalink.

10 Responses to ગુજારે જે શિરે તારે, જગતનો નાથ તે સહેજે . ગણ્યું જે પ્યારું પ્યારાએ, અતિ પ્યારું ગણી લેજે ! દુનિયાની જૂઠી વાણી, વિષે જો દુ:ખ વાસે તો , જરાયે અંતરે આનંદ ના ઓછો થવા દેજે ,

  1. આ ચાર પંક્તિઓ રહી ગઈ છે.

    જગતના કાચના યંત્રે ,ખરી વસ્તુ નહીં ભાસે.
    ન સારા કે નઠારાની જરાયે સંગતે રહેજે!

    રહેજે શાંતિ સંતોષે ,સદાયે નિર્મળે ચિત્તે.
    દિલે જે દુ:ખ કે આનંદ કોઇને નહીં કહેજે!

    વસે છે ક્રોધ વૈરી ચિત્તમાં, તેને ત્યજી દેજે
    ઘડી જાયે ભલાઈની મહાલક્ષ્મી ગણી લેજે!

    રહે ઉન્મત્ત આનંદે ,ખરું એ સુખ માની લે.
    પીએ તો શ્રી પ્રભુના પ્રેમનો પ્યાલો ભરી પીજે!

    સંપુર્ણ કાવ્ય નીચેની લિન્ક પરથી વાંચી શકશો.
    http://bhajanamrutwani.wordpress.com/2010/04/26/gujara-je-shire-tare/

    Like

    • Thank you very much Atulbhai . ખુબ યાદ કરીને લખવામાં આટલી ભૂલ રહી ગઈ … મન લાગતું તો હતુંજ કે કંઈ ખૂટે છે … કાવ્યની લંબાઈ જરા નાની લાગે છે . હવે તમે કહેલી પંક્તિઓ ઉમેરી દીધી છે . જોકે હવે ટાઈપ કરવાની તસ્દી લીધી નથી🙂 આ લાઈનમાં જરા જુઓને …. ના શબ્દ આવે ને ?
      ન સારા કે નઠારાની જરાયે સંગતે રહેજે !
      “નસારા કે નઠારાની જરાયે સંગતે ના રહેજે!”
      meaning જોતા મને એવું લાગે છે . Please જવાબ આપશો.

      Like

      • ન આગળ મુકીને કહેવામાં આવ્યું છે કે સારા કે નઠારાની જરાયે સંગતે રહેજે – એટલે સારા અને નથારા બંનેની સંગતે રહેવાનો ઈન્કાર કરેલ છે. તેથી આપે મુકેલ બીજી વખતના ના ની જરૂર નહિં.

        ન ( સારા કે નઠારાની જરાયે સંગતે રહેજે ) !

        Like

      • ok …. Now I get it. Thanks again I have again made the correction.

        Like

  2. ભાવ છલકતી ભક્તિ રચના.
    રમેશ પટેલ(આકાશદીપ)

    Like

  3. Dilip Gajjar says:

    કટુ વાણી સુણે જો કોઇની , વાણી મીઠી કહેજે !
    પરાઇ મૂર્ખતા કાજે મુખે ના ઝેર તું લેજે!
    Sunder message aaptu kaavy raju karyu aape..

    Like

  4. શ્રી પારુબહેન,

    ગુજારે જે શિરે તારે, જગતનો નાથ તે સહેજે .
    ગણ્યું જે પ્યારું પ્યારાએ, અતિ પ્યારું ગણી લેજે !
    ખુબ ભાવ વિભોર પંક્તિઓ દ્વારા સર્જાયેલ અલભ્ય રચના.

    Like

  5. ભરત ચૌહાણ says:

    College ma Gujarati na Lecturer samaye varmvar upyog ma aavti panktio aaje shambhalva mali

    Like

  6. Dilip Gajjar says:

    જરાયે અંતરે આનંદ ના ઓછો થવા દેજે ,

    કટુ વાણી સુણે જો કોઇની , વાણી મીઠી કહેજે !
    like to read again and again to get message..like this..

    Like

  7. vkhawani says:

    I had tears in my eyes reading this again. so very true !
    ગણ્યું જે પ્યારું પ્યારાએ, અતિ પ્યારું ગણી લેજે !
    loved your blog..
    Vimla Khawani

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s