“એક સંવાદ ….એક યાદ” ….5

“એક સંવાદ ….એક યાદ”    ….5

પિયુજી: “આજે એક સાવ ગરીબ દેખાતું …એકદમ મજૂર જેવું પેશન્ટ આવ્યુ અને એની સાથે એક એકદમ વેલડ્રેસ્ડ .. અપટુડેટ ..ભાઈ આવ્યા અને સામે બેઠા, જેવો પેશન્ટને તપાસી ને હું એકઝામિનેશન રૂમમાંથી બહાર આવ્યો તો કહે .. શું લાગે છે સાહેબ? એટલે હું જરા એલર્ટ થઈ ગયો….. કારણ કે લગભગ એવું બનતું હોય કે કાંઈ વધારે પ્રોબ્લેમેટીક રોગ હોય, કે આરામની જરૂરીયાત વાળું હોય તો, આવી વખતે પેલો ગરીબ માણસ સરખું કામ નહિ કરી શકે તેવું લાગે તો તેને બિચારાને નોકરીમાંથી છુટો કરી નાખે! .. તેથી મેં જરા સાચવીને જવાબ આપ્યો … ના ના એવું કંઈ ખાસ ચિંતા જેવું નથી. … દવા કરશું એટલે આવી જશે!” તો પેલા ભાઈ કહે … ના ના સાહેબ … જે કંઈ ટેસ્ટ કરવા પડે !જે કંઈ ખર્ચો થાય … કોઈ ચિંતા નથી હું બેઠો છું, પણ આને સાવ રેડી કરી નાખો.!”

એટલે મેં જરા જાણવાને ઈરાદે પૂછ્યું, “આપ કોણ ? અને આ ભાઈ તમારા …..”
તો પેલા ભાઈ એ તેમનું વિઝીટીંગ કાર્ડ આપ્યું અને કહે … “અરે સાહેબ, આ મારી ફેક્ટરીનો ચોકીદાર કમ કેરટેકર છે … ત્યાંજ એક રૂમમાં રહે છે એના ફેમીલી સાથે . કંઈ કેટલાય દિવસથી હેરાન થાય છે , ત્યાં બાજુનાં ગામડાંમાં કોઈ BHMS ડોક્ટરની દવા લીધી પણ કોઈ ફરક પડ્યો નથી….. કેટલીયે વાર કહ્યું કે રાજકોટ જઈને કોઈ મોટા ડોક્ટરને દેખાડ, પણ અહી સુધીનું ભાડું,  ડોક્ટરની ફી ને દવાનો ખર્ચો એવું બધું વિચારીને નહિ આવતો હોય! … એટલે આજે હું પોતેજ એને મારી ગાડીમાં બેસાડીને લઇ આવ્યો!”

આ વાત સાંભળ્યા પછી મને થોડી નિરાંત થઇ … એટલે મેં તેમને તેની તકલીફ વિશે સવિસ્તાર સમજાવ્યું અને કહ્યું કે એક Biopsy લેવી પડશે અને અમુક પ્રકારની લોહીની તપાસ પણ કરવી પડશે , રીપોર્ટ કન્ફર્મ  થઇ જાય પછી દવા ચાલુ કરીશું જે થોડો લાંબો સમય લેવી પડશે. આ સાંભળી ને તેઓ કહે “વાંધો નહિ સાહેબ, તમે જે કરવું પડે તે કરો . Biopsy પણ હમણાંજ લઇ લ્યો અને લોહીની તપાસ પણ લખી દ્યો આજેજ કરાવી લઈએ.”   Biopsy લેવડાવી અને તેઓ જયારે બહાર રીસેપ્શન કાંઉનટર ઉપર જયારે ફાઈલ લેવા ગયા ત્યારે મેં સ્ટાફને સુચના આપી દીધી હતી કે તેની ફી લેવાની નથી ….! તો પેલા ભાઈ પાછા અંદર આવ્યા અને કહે …ના સાહેબ તમે તમારી ફી અને Biopsy પ્રોસિજરનો ચાર્જ  લઈજ લ્યો ..! તેથી મેં એમને સમજાવ્યા કે જુઓ ભાઈ … આ તકલીફ એવી છે કે દવા ઘણી મોંઘી આવશે અને તે પણ લાંબો સમય કરવી પડશે …તેથી તમે તેને દવાઓ ખરીદી આપજો, વળી  લેબોરેટરીનો ખર્ચો પણ થશે ..તેથી મારે મારી ફીઝ જોઈતી નથી.  તો તે હસીને કહે,  સાહેબ … તમે મને નથી ઓળખતા પણ હું તમને જાણું છું ! … તમારા વિશે ઘણું સાંભળ્યું હતું .. પણ મળવાનું આજે થયું ! તમારા ગરીબોને માટેના રાહત યજ્ઞમાં અમનેય થોડો હાથ અડાડી લેવા દ્યો …! તમે તો ઘણાને માટે ઘણું કરતા  હો છો ! આને માટે તો હું છું ! …    અને તે પરાણે પૂરી ફીઝ આપી ને ગયા !

આ સાંભળીને મને સવારે આવેલો ફોન અને તે વાત યાદ આવી ગઈ …. અને તેની સાથેજ મારા સાસુ કહેતા તે લોકોક્તિ … “આતો મારી બાઇ, એવી વાત કે પારકે ઘરે રાંદલ માં વહેલા વહેલા આવો!”

(સંપૂર્ણ)
પારૂ કૃષ્ણકાંત “પિયુની”

સૌરાષ્ટ્ર બાજુ “રાંદલ માં તેડવાનો”  રીવાજ  છે જેમાં સૂર્યના પત્ની રાંદલ માં નું પૂજન કરી અને અમુક સંખ્યામાં ગોરણીઓ જમાડવાની હોય છે…તેથી આ પ્રસંગ ખર્ચાળ બની રહેતો હોય છે .

About Piyuni no pamrat ( પિયુનીનો પમરાટ )

"પિયુનીનો પમરાટ " પારૂ કૃષ્ણકાંત "પિયુની"નો ગુજરાતી બ્લોગ . ગુજરાતી કવિતા , પ્રેમકાવ્યો, બોધકાવ્યો, પ્રકૃતીકાવ્યો, પ્રેરણાત્મક વાર્તા ..કથાઓ , મીઠા સંભારણા, "અનુભાવવાણી", પ્રેમ, All about Love , Food for thought , અને બીજું ઘણું બધું...... પ્રેમનું ઝરણું બની વહેવું મુજને , સ્વજનોના હ્રદય મહીં રહેવું મુજને , મોગરો બનીને મહેકવાને ચાહું. પધારો આપનું હ્રદયથી સ્વાગત છે. પારૂ કૃષ્ણકાંત 'પિયુની'
This entry was posted in “મીઠા સંભારણા” and tagged , , , , , , , . Bookmark the permalink.

7 Responses to “એક સંવાદ ….એક યાદ” ….5

  1. Narendra Desai says:

    બંને પ્રસંગો ચોટદાર અને સમાજ લોક માનસ નું પ્રતિબિંબ પાડનારા છે . સરસ .
    નરેન્દ્ર

    Like

  2. chandravadan says:

    After 4th this is the 5th Samvad Post.
    And from the Post these Words>>>>>

    તો તે હસીને કહે, સાહેબ … તમે મને નથી ઓળખતા પણ હું તમને જાણું છું ! … તમારા વિશે ઘણું સાંભળ્યું હતું .. પણ મળવાનું આજે થયું ! તમારા ગરીબોને માટેના રાહત યજ્ઞમાં અમનેય થોડો હાથ અડાડી લેવા દ્યો …! તમે તો ઘણાને માટે ઘણું કરતા જ હો છો ! આને માટે તો હું છું ! … અને તે પરાણે પૂરી ફીઝ આપી ને ગયા !
    The most important aspect of the Post !
    Jan Seva is born within the Hearts..and can touch anyone……a doctor or a Factory owner or any Human whether rich or poor.
    Enjoyed the Post !
    DR. CHANDRAVADAN MISTRY
    http://www.chandrapukar.wordpress.com
    Inviting you to my Blog to read the New Post Of “Goodbye”

    Like

  3. venunad says:

    આજે સમય કાઢીને અનુભવ-વાર્તા વાંચી. સેવાભાવી દૉકટર, તમારા “પિયુજી” ને ખાસ મારા પ્રણામ કહેજો.
    મને પણ આવા અનુભવો, ખાસ કરીને એક સર્જનના, લખવાની ઈચ્છા થયા કરે છે, પણ… સારું લખાશે કે કેમ એ વિચારે પાછો પડુ છું.

    Like

  4. સુશ્રી પારુલબેન,

    માનવતાનાં સુંદર દર્શન અને એજ ધન્ય જીવન.

    રમેશ પટેલ(આકાશદીપ)

    Like

  5. બહેનજી,
    હા, લગ્ન, ઘરમાં વાસ્તુ કે સારો પ્રસંગ આવતો હોય તો આપણા સૌરાષ્ટ્રમાં રાંદલમાતા તેડવાનો રિવાજ છે જેમાં ઘોડો પણ ખૂંદવાનો હોય છે.

    અને ડોક્ટર સાહેબ જે કાર્ય કરી રહ્યા છે એ બદલ ખુબ ખુબ આભાર…

    Like

  6. માનવતાનાં સુંદર દર્શન અને એજ ધન્ય જીવન.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s