“મસ્તી કાવ્ય”

અંતરંગ મિત્રો સાથે ની હળવી ક્ષણો માં રચાયું એક મસ્તી કાવ્ય

મારા પતિશ્રી ડો. કે બી પંડ્યા અને ડો. એસ આર રાવ બેઉ લંગોટિયા મિત્રો ,
Preprimary  School થી છેક Medicine , MD અને MS પણ એક સાથેજ કર્યું .
ડો રાવ નાં પત્ની તે મારા અંતરંગ સખી અમે બન્ને પણ સાથેજ ભણેલા.
વળીં અમારા બાળકો વચ્ચે પણ અતુટ મિત્રતા .
કોઈ ને કોઈ વગર ચાલે નહિ અને બધાને એક બીજા ઉપર અતુટ વિશ્વાસ .
જયારે પણ ભેગા મળીયે એટલે મસ્તી મજાક નો દોર ચાલુ જ રહે. ડો. પંડ્યા અને ડો.રાવ
બન્ને નો સ્વભાવ ખુબ મજાકિયો તેથી અમારી મજાક કરવાની એક પણ તક ચુકે નહિ .
હમણાંથી વળી મારો ગુજરાતી કાવ્યો લખવાનો શોખ તેઓના નિશાન ઉપર રહે .
હમણાં વળી મારી કવિતા જુગલજોડી તેમની ઝપટ માં આવી ગયી ,

“જુગલજોડી”

જેમ શ્રી થકી શ્રીકાંત ,
ને શ્રીકાંત થકી શ્રી.
જેમ રાધા થકી શ્યામ ,
ને શ્યામ થકી રાધા .
જેમ સીતા થકી રામ ,
ને રામ થકી સીતા .
તેમ મુજ થકી તું ,
ને તુજ થકી હું .
પ્રેમીજનો ની જુગલજોડી .

પારૂ કૃષ્ણકાંત ‘ પિયુની’

મારા આ કાવ્ય ની છેલ્લી પંક્તિઓ વાચી અને ડો. રાવ કહે મેં પણ  કૈક આવુજ લખ્યું છે …..
અને આજ મસ્તી નાં સંવાદ માં રચાયું એક મસ્તી કાવ્ય .

“મસ્તી કાવ્ય”

ડો. રાવ : તમે ભલે ને કહો ,
મુજ થકી તું ,
ને તુજ થકી હું ,
પણ હું તો કહીશ ,
તારા થી થાક્યો  હું  ,
ને મારા થી થાકી તું ,
પારૂ : તે તમે ભલે ને જાઓ થાકી,
પણ હવે કોઈ નથી બાકી .
જાશો ક્યાં હવે ભાગી?
ડો. રાવ : તમને ભલે ને લાગે કે નથી રહ્યું કોઈ બાકી ,
અમે વાપરીશું અમારી ચાલાકી ,
અને તમારા છોકરા ઓ ને મળશે નવી કાકી !
પારૂ :જો તમે વાપરી ને તમારી ચાલાકી ,
મારા છોકરાઓની લાવશો જો નવી કાકી ,
ભોગવવી પડશે તમારે બડી હાલાકી ,
છે સો ટચ નાં સોના જેવી ,
મારા છોકરાઓ ની જૂની  કાકી,
જીવન માં તમારા  સુખ અને શાંતિ તેનાજ થકી .

અને ડો. રાવે  માની લીધી હાર ,અને પકડ્યા કાન , અને  બધાંય  હસી હસી ને બેવડ વળી ગયા. મિત્રતા ની આજ તો મજા છે ….

एक दुसरे को करते है प्यार हम ,

एक दुसरे के लिए बेकरार हम ,

एक दुसरे  के वास्ते लड़ना पड़े तो ,

है तैयार हम हे तैयार हम  ……

પારૂ  કૃષ્ણકાંત . ‘પિયુની’

**************************************************************